Në mesin e tensioneve, presidenti rus, Vladimir Putin, ka kryer një telefonatë me presidentin francez, Emmanuel Macron.
Sipas rusëve, dy presidentët folën për situatën në Ukrainë. Macron ka kërkuar një zgjidhje paqësore, përmes dialogut për t’i dhënë fund luftës.
Sipas Putin zgjidhja është e mundshme, vetëm nëse Ukraina njeh sovranitetin rus mbi Krimenë dhe zgjidh detyrat e çmilitarizimit.
Putin pohoi gjithashtu se Forcat e Armatosura Ruse nuk paraqesin asnjë kërcënim për civilët [në Ukrainë] dhe fajëson për kërcënimin nacionalistët ukrainas.
“Presidenti rus ka theksuar se Forcat e Armatosura Ruse nuk kërcënojnë civilët dhe nuk godasin objektet civile. Kërcënimi vjen nga nacionalistët ukrainas që përdorin popullsinë civile si mburojë njerëzore, vendosin qëllimisht sisteme të armëve goditëse në zonat e banuara dhe që intensifikuan granatimet e qyteteve në Donbas”, thuhet në deklaratë.