Shtetasi Dibran Hoxhaj, i njohur në rrjetet sociale si “Kobra” është deklaruar i pafajshëm nga gjykata për vrasjen e 31-vjeçarit Visart Cengu, më 3 janar të viti 2023
Ditën e sotme është mbajtur seanca, e cila që në nisje ka pasur tensione. Sapo ka nisur shqyrtimi në Gjykata, “Kobra” është përjashtuar nga salla e gjyqit, pasi ka prishur rendin. Ai i është drejtuar me zë të lartë njërit nga të akuzuarit e tjerë dhe është ngritur në këmbë.
Edhe të akuzuarit e tjerë në këtë rast Roland Susuri, Arben Vezaj, Burim Mazreku dhe Jesmir Badalli janë deklaruar të pafajshëm.
Ngjarja ka ndodhur një vit më parë, në lokali ne natës “Kobra City” në Prizren, pronar i të cilit është Dibran hoxhaj.
E gjithë ngjarja ka nisur brenda lokalit ku Visa Cengu kishte shkuar të argëtohej me miqtë e tij pas festave të fundvitit. Por, në momentin që të rinjve u ka shkuar fatura 400 euro, ata s’kanë pranuar ta paguajnë dhe janë përleshur në stafin.
Më pas janë nisur drejt parkingut, kanë hipur në makinë dhe kanë tentuar të largohen, por Dibran Hoxhaj, i njohur si “Kobra” bashkë me një grup djemsh u kanë dalë përpara. Ai ishte bashkë me të rinjtë Kujtim Gashi, Jesmir Badali, Burim Mazreku, Enver Amrullahi (vëllai i Hoxhajt) dhe Arben Vezaj i kanë penguar që të largohen.
Hoxhaj qëlloi në drejtim të mjetit ku ndodheshin tre të rinjtë nga Kukësi, duke plagosur 31-vjeçarin, i icli dnërroi jetë në spital.
Pas ngjarjes, ‘Kobra City’ u rrethua nga forca të shumta policie, kurse Hoxhaj nxitoi të fshinte kamerat e sigurisë. Ai ka hedhur edhe armën e përdorur dhe në këtë mënyrë, grupi hetimor nuk ka në dorë prova.