“Rithemelimi” ka ndjekur edhe sot të njëjtin skenar, duke krijuar kaos edhe zhurmë në seancën e Kuvendit.
Deputeti i opozitës, Ervin Salianji, duke bllokuar foltoren së bashku me deputetë të tjerë të opozitës, ka ironiozuar mazhorancën. Salianji i ka quajtur deputetët e shumicës si “dele”. Ndërkohë disa nga deputetët mbanin në duar pankarta ku lexohej “Demokracia vendoset me zgjedhje”, “Nuk duam Parlament Monist”.
“Kokën poshtë kartonin lart, janë dele”, tha Salianji.
Seanca e sotme plenare ka nisur sërish me debate dhe kaos, me zhurmues në sfond nga deputetët e opozitës. Kujtojmë se deputetët demokratë Flamur Noka, Bledjon Nallbati dhe Saimir Korreshi nuk do marrin pjesë në seancë pasi janë të përjashtuar. Po ashtu, i përjashtuar vijon të jetë edhe deputeti Edi Paloka, i cili ka dënimin më të rëndë pasi dogji rregulloren e Kuvendit.