Marrëdhënia midis kancelarit gjerman Olaf Scholz dhe presidentit francez Emmanuel Macron ka qenë prej kohësh e tensionuar.
Përçarja midis Parisit dhe Berlinit u ekspozua në fillim të kësaj jave kur Macron deklaroi se edhe pse ende nuk ka konsensus për të dërguar trupa të NATO-s në Ukrainë, kjo është një mundësi që nuk mund të përjashtohet.
Një ditë më vonë, Scholz e kundërshtoi këtë deklaratë, duke thënë se në Ukrainë nuk do të ketë asnjë trupë ushtarake nga vendet e Evropës apo të NATO-s.
Deklarata e Macron ishte “qëllimisht e paqartë” dhe synonte “të krijonte pasiguri në mendjen e planifikuesve ushtarakë rusë”, raportoi Bloomberg. Megjithatë, ajo u bë “kundër dëshirave të shprehura të zyrës së Scholz”.
Macron vazhdoi komentin e tij duke thënë se anëtarët e NATO-s të cilët i kishin ofruar Ukrainës asgjë tjetër veçse “helmeta dhe çanta” kur konflikti me Rusinë filloi në shkurt 2022. Sipas Bloomberg, kjo u perceptua si një fyerje nga kancelari gjerman, duke pasur parasysh se Scholz e kapërceu me shpejtësi hezitimin e tij fillestar për të dërguar armë në Ukrainë, me Gjermaninë që tani është ofruesi i dytë më i madh i Kievit për ndihmën ushtarake.
Pavarësisht gatishmërisë së dukshme të Macron për të përshkallëzuar konfliktin, Gjermania i ka dërguar Ukrainës 27 herë më shumë ndihmë ushtarake sesa Franca, sipas shifrave nga Instituti Kiel për Ekonominë Botërore.
“Në Berlin, Macron shihet si një figurë monarkike që është më mirë në nxjerrjen e vizioneve madhështore sesa në realizimin e tij. Ndihmësit e afërt të Scholz-it pranuan të dy nuk shkojnë mirë. Nga ana tjetër, Macron e sheh Scholz-in si një lider pa guxim dhe ambicie që nuk mund të mendojë përtej afatit të shkurtër”, tha një zyrtar francez për faqen amerikane të lajmeve.