Anëtarët e komisionit hetimor për inceneratorët kanë qenë sot për inspektim në inceneratorin e Tiranës ku kanë zhvilluar një takim me një nga përfaqësuesit e impiantit të mbetjeve.
Në këtë impiant mblidhen 850 tonë mbetje në Tiranë nga 3 bashki, ajo e Tiranës, e Durrësit dhe e Kavajës.
Këtë herë, mohuesja kryesore e ekzistencës së inceneratorëve në Shqipëri, Jorida Tabaku, mori mundimin të zbriste vetë në terren për të parë punën e bërë nga Inceneratori i Tiranës, dhe trasformimi që i ka bërë zonës së Sharrës 4-cipërisht.
Bllofi i tretë radhazi i Tabakut
E ‘pajisur me përforcime të reja’ si Belind Këlliçi e Ina Zhupa, Tabaku donte të vërtetonte me sytë e saj impiantin e Tiranës.
Në inspektimet e bëra në inceneratorët e Fierit dhe të Elbasanit, deputetët e Tabakut, Lefter Gështenja, Dhurata Çupi e Luciano Boçi, konfirmuan vetë investimin gjigand të bërë në këto impiante.
Duke qenë se doli dy herë blof, të tretën të vërtetën Jorida Tabaku donte ta bënte duke qenë vetë aty.
Kjo e fundit kërkoi që të intimidonte drejtorin Teknik të këtij Impianti, si dhe të modifikonte dhe kontratën e koncensionarit, duke i ndryshuar afatet dhe kohën e nënshkrimit të kontratës. Por drejtori teknik i impiantit e nxori edhe një herë tjetër gënjeshtare Tabakun.
Tabaku fillimisht u shpreh se nga data 1 janar 2017 ishte koha kur janë dhënë paratë, por kjo u kundërshtua nga drejtori teknik Bualli, i cili u shpreh se ajo ishte e gabuar referimit të kësaj datë, pasi kontrata ishte firmosur në 2018.
Gjithashtu drejtori teknik rrëzoi dhe pretendimet se duhet të ishte ndërtuar ndërkohë edhe impianti i incenerimit të mbetjeve, duke bërë të ditur se ka një afat 6-vjeçar për përfundimin e Inceneratorit të Sharrës.
Rebelimi i deputetëve të PD me inceneratorët
Sigurisht me urdhra të Jorida Tabakut, deputetët e PD, anëtarë të Komisionit Hetimor në të tre inspektimet e bëra në inceneratorët e Fierit, Elbasanit dhe së fundmi të Tiranës, kanë shfaqur shenja irritimi e rebelimi kundrejt drejtuesve të këtyre impianteve.
Në Inceneratorin e Fierit, deputetët Dhurata Çupi dhe Lefter Gështenja bombarduan me pyetje drejtuesin teknik pa e lënë atë të japë përgjigjet normalisht.
Po ashtu në inspektimin në Elbasan, Luciano Boçi dhe Lefter Gështenja, shkuan me vonesë me Range Rover-in e tyre dhe menjëherë iu drejtuan me gjuhë jo korrekte drejtuesit teknik.
“Prit or çun, se do të pysim ne…”, i tha Boçi në nerva e sipër, por pasi mësoi të gjitha detajet që ishin sinkron me ligjin dhe me moscënimin e shëndetit të qytetarëve të Elbasanit, përfundoi duke i dhënë dorën inxhenierit.
Ndërsa sot, në Tiranë, Ina Zhupa kaloi pa leje duke shkelur rregullat në kantierin e trajtimit të mbetjeve.
Në të treja rastet, deputetët e PD me në krye Tabakun morën vesh në hollësi të gjitha hallkat e funksionimit të inceneratorëve.
Investimi që shndërroi malet me plehra të Sharrës
Vetëm pak vite më parë mbetjet e pafundme kishin krijuar kodra duke menduar faktin që vetëm në 24 orë, Tirana prodhon rreth 800 ton mbetje.
Të hedhura në mënyrë të pakontrolluar, pa asnjë parametër mjedisor, brenda vendgrumbullimit mund të hynte kushdo.
Tymi i çliruar nga djegia e mbetjeve arrinte deri në qendër të Tiranës. Ujërat sipërfaqësorë përhapeshin në hapësira të pallogaritshme. Kjo ishte Sharra pak kohë më parë.
Por tani ka marrë një pamje komplet tjetër. Falë një investimi 30 milionë euro, inceneratori i Tiranës ktheu Sharrën në një park të vërtetë.
Vendgrumbullimi i plehrave në Sharrë u transformua përmes një modeli të ri standardesh të Bashkimit Europian mbledhjeje, përpunimi e prodhimi energjie nga mbetjet me zero impakt negativ për ajrin e shëndetin.