Eksperti i bujqësisë Eduart Sharka, protestën e fermerëve për çmimin e kastravecit e shpjegon me faktin se në mes të muajit shkurt, çmimi është nën kosto, për vetëm 30 lekë të reja kilogrami.
Duke folur në një studio televizive, ai tha se është kosto e lartë për fermerët, ku prodhimi bëhet i sforcuar në sera gjatë dimrit.
“Fakti që nxjerrin në muaj të dimrit kur produkti është i pakët dhe oferta e vogël të bjerë çmimi kaq, ka diçka që nuk shkon.
Nuk jemi në kushtet për të ndodhur një krizë e tillë, pasi kërkesa në muajt e dimrit është më e madhe nga oferta. Kemi një deformim të tregut.
Rasti konkret është se funksionojnë në hallkë informale në Myzeqe, blejnë te fermerët pa faturë.
Blejnë te fermerët dhe i çojnë te grumbullimit dhe këta kanë çuar në këtë krizë. Kjo është për faj të qeverisë.
Për të prodhuar një kilogram kastravec në këtë sezon kostoja është 60-70 lekë për kilogram, pasi në këtë periudhë duhet dopio plasmas, energji elektrike, impute.
Dhe ta shesësh me 30 lekë do të thotë që t’i marrësh fermerit 30 lekë për kilogramë dhe kjo çon në braktisjen e serave.
Fermeri duhet të shesë te grumbulluesi dhe të jetë me faturë tatimore direkte dhe subvencioni i shtetit shkon te produkti.
Duke mos pasur transparencë çmimesh, tregu ikën. Fermeri grek mund ta shesë dhe me 50 cent se subvencionohet nga shteti dhe e gjithë barra bie mbi fermerin tonë.
Kjo është për të ardhur keq se fermerët kanë bërë punën kryesore se të nxjerrësh produkte me sera diellore është një punë e jashtëzakonshme dhe të mos marrë fermeri pesë lekë, kjo është e padrejtë.
Se duhet të ndezë diçka kur është ftohtë, është sakrificë e madhe të nxjerrësh diçka në treg në këtë ditë. Ndaj bëhet bursa dhe krijohet transparenca.
Ndaj është ministria e Bujqësisë dhe Financës, që fermerët të mos e zgjidhin vetë në mënyrë të drejtpërdrejtë me konflikte.
Fermerët me të drejtën e tyre u bashkuan dhe ulën ofertën në treg. Kjo funksionon për momentin por ka rrezikun brenda, humbjen e tregut.
Se në momentin që blerësve në rajon nuk u shkon malli nga Shqipëria, do gjejnë zgjidhje në një vend tjetër.
Duhet ta aplikojnë çdo herë këtë masë kur ka abuzime me çmime, të bllokojnë vjeljen.
Nuk vjen për mungesë të ofertës në treg, por për mungesë të instancave të qeverisë për të rregulluar ofertën në treg.
Shteti duhet të ndërhyjë që kostoja të mos bjerë mbi fermerë.
Kriza ka ardhur për mungesë burse, mungesë zbatimit të ligjit për transaksione të produkteve bujqësore.
Jemi në zgrip, rrezikojmë që të mbetemi vetëm me produktet e rajonit”, tha Sharka.