Gjykata ka pranuar ditën e sotme kërkesën e avokatëve të Erzen Breçanit, për të kryer ekspertizë mjekësore.
Breçani ndodhet në sptial, teksa pretendon se ka probleme me zemrën e po ashtu se është klaustrofobik. Ai shprehet se nuk mund të qëndrojë në qeli, duke kërkuar rrëzimin e masës së sigurisë “arrest me burg” dhe vendosjen në “arrest shtëpie” apo “detyrim paraqitje”. Seanca e radhës u shty për ditën e premte, ku do paraqiten dy mjekët që do kryejnë akt ekspertimin.
Në 20 nëntor SPAK lëshoi 11 urdhër-arreste për goditjen e grupit të strukturuar kriminal. Nga këto urdhër arreste u ekzekutuan 5 prej tyre, arrestimi i Erzen Breçanit ish drejtor i Policisë së Tiranës, Dedan Gjoni shefi i krimeve në Komisariatin numër 6, Bujar Ajezi, Besmir Murati të cilët u lanë në burg nga GJKKO.
Po ashtu në Spanjë u arrestuar Ismail Zeneli, për të cilin kanë nisur procedurat për ekstradim.