Një ngjarje e rëndë ka ndodhur sot në Peqin, ku një punonjës i bashkisë ka ndërruar jetë.
Mësohet se viktima është 58-vjeçari Faik Rrançi, i cili është rrëzuar teksa ishte duke krasitur pemët në lagjen “Xhami”. Ai ka marrë plagë të rënda dhe nuk ka mundur të mbijetoje, edhe pse u dërgua në spital. Grupi hetimor ndodhet në vendngjarje dhe po kryen veprimet hetimore për zbardhjen e rrethanave të ngjarjes.
Njoftimi i policisë:
Peqin/Informacion paraprak
Rreth orës 09:30, dyshohet se gjatë punës për krasitjen e pemëve në lagjen “Xhami”, është rrëzuar aksidentalisht, punonjësi i bashkisë, shtetasi F. Rr., 58 vjeç, banues në Peqin. Si pasojë e dëmtimeve, ai ka humbur jetën, në spital.
Grupi hetimor ndodhet në vendngjarje dhe po kryen veprimet hetimore për zbardhjen e rrethanave të ngjarjes.