Një konflikt mes dy personave në Tiranë, agravoi në përdorimin e armëve të zjarrit.
Dy fqinj u përfshinë në sherr me njëri-tjetrin pranë Rrugës së Elbasanit. Shtetasi i identifikuar si Amarildo Kamberi dyshohet se ka plagosur me armë në këmbë 47-vjeçarin Mirush Kalaveri.
Shkak i konfliktit dyshohet çështje pronësie.
Njoftimi i policisë:
“Tiranë/Informacion paraprak
Më datë 17.02.2024, rreth orës 17:35, në Rrugën e Elbasanit, shtetasi A. K., dyshohet se ka plagosur me armë zjarri në këmbë shtetasin Xh. K., rreth 47 vjeç, (fqinj me njëri-tjetrin), i cili ndodhet në spital, në kujdesin e mjekëve.
Shërbimet e Policisë po vijojnë krehjen e zonës për kapjen e autorit të dyshuar.
Grupi hetimor po punon për sqarimin e rrethanave të ngjarjes.”, njofton policia.