Për herë të parë tri çiftet e formuara në Big Brother VIP këtë edicion të tretë kanë dalë nga Shtëpia për të shkuar të festojnë në qetësinë e tyre në një ambient të ri, të saporkrijuar, këtë Shën Valentinin.
Vëllai i Madh u ka dhënë mundësinë Sarës dhe Bardhit, Ilnisës dhe Meritonit dhe Romeos dhe Heidit të merrnin gjithçka u nevoitej për të shkuar në një darkë romantike.
Një limuzinë ka pritur banorët, ndërsa me sytë mbyllur ata i janë drejtuar ambientit të ri.
Banorët e tjerë janë treguar mosbesues, me Fationin që u shpreh se është gënjeshtër pasi vetëm limuzina që nuk po i pret jashtë. Në kundërpërgjigje moderatori Ledion Liço u ka ofruar pamjet live duke thënë se: Shihni me sy dhe plasni me zemër.
Mesa duket, vendi luksoz është një fermë dhe çiftet duhet të kalojnë javën aty duke zbatuar disa rregulla që kanë të bëjnë me dhitë, pulat dhe delet.
Kjo do të quhet si provë javore nga e cila në qoftë se fitojnë ju rritet çmimi.