Alma Kaçi, gruaja që u përfshi në videoskandalin që u bë publik më 16 qershor të vitit 2023, ku shihej duke kryer marrdhënie seksuale brenda në zyrën e Safet Gjicit, aso kohe Kryetar i Bashkisë së Kukësit, ka folur lidhur me vendimin që Gjykata dha për çështjen e saj dhe të Gjicit.
Gjatë një interviste për emisionin “ Kafe Shqeto”, Kaçi ka thënë se përmes këtij vendimi njerëzit e drejtësisë treguan se janë të kapur nga politika. Ajo i është drejtuar shqiptarëve duke i thënë se sakrifikoi veten në mënyrë që tu tregonte atyre se çfarë ndodh në zyrat e kësaj qeverisje.
Duke u ndalur te komentet, Kaçi thotë se nuk është paguar nga askush dhe gjithçka e ka bërë në kuadër të punës së saj.
“Pranova ta bëjë këtë për ta demaskuar në publik dhe për t’i demonstruar njerëzve se në zyrat e kësaj qeverisjeje ndodhin këto. Unë mora përsipër shumë rreziqe sepse në ato momente kur ndodhi, nuk u mendua se do dilnin ato skena në TV, por unë kam menduar edhe rrezikun e jetës time.
Kam lexuar shume komente dhe shumë opinione nga më ekstremet, je paguar – s’je paguar . Unë e kam bërë në kuadër të punës, kam sakrifikuar veten time.
Dhe opinionit publik mos t’i vijë keq, po e them hapur fare, për gojën time, por t’i vije keq, për një pushtet që po abuzon me qytetarët. Ndjehem e përdorur dhe e hedhur në rrugë si një leckë”, tha Kaçi.
Më 7 shkurt 2024, Gjykata e Posaçme shpalli verdiktin dhe dënoi me 3 vite burgim ish-kryetarin e bashkisë së Kukësit, Safet Gjici për akuzën e korrupsionit. Sakaq për shkak të gjykimit të shkurtuar dënimi për Gjicin ulet me 1 vit, pra ish-kryebashkiaku do të vuajë vetëm dy vite burg. Gjykata ka ndryshuar akuzën ndaj Gjicit nga korrupsion në shpërdorim detyre. Sipas SPAK Safet Gjici ka përfituar favore seksuale nga Alma Kaçi, duke i premtuar kësaj të fundit një projekt për qentë e bashkisë.
Ndërsa, Kaçi u dënua 1 vit burg për prostitucion. Ajo u akuzua edhe për korrupsion aktiv, mirëpo është gjetur fajtore vetëm për akuzën e prostitucionit. /Newsbomb.al