Gjykata e Lartë do të shqyrtojë më 5 mars rekursin e Prokurorisë së Posaçme, për masën e sigurisë të vendosur ndaj Jamarbër Malltezit.
SPAK kërkon kthimin në burg të dhëndrit të ish-kryeministrit Sali Berisha, i cili ndodhet në arrest shtëpie. Fillimisht Gjykata e Shkallës së Parë e la në burg Malltezin, por ai e ankimoi vendimin në Apel, ku kjo masë u lehtësua, duke vendosur “Arrest shtëpie.”
Jamarbër Malltezi akuzohet për pastrim parash dhe korrupsion, në lidhje me aferën e privatizimit të kompkesit sportiv “Partizani”. Për të njëjtën dosje, është nën hetim edhe ish-kryeministri Berisha, i cili akuzohet se ka favorizuar Malltezin.