Detaje të reja janë zbardhur nga ngjarja e ndodhur në Kavajë, ku një efektiv policie u arrestua, pasi bahkë me të birin, qëlloi me armë një 29-vjeçar.
Mësohet se në pranga ka rënë nënkomisari Kastriot Gjingecaj, i cili bashkë me të birin, 24-vjeçarin Denis Gjingecaj qëlluan me armë në drejtim të automjetit të një 29-vjeçarit Kliti Kazazi.
Gjithçka nisi pasi Denis Gjongecaj u përfshi në konflikt me Kliti Kazazin në datën 7 shkurt, për një parakalim me makinë. Konflikti vijoi dhe në datën 8 ku u takuan në lagjen nr.2 të Kavajës. Pas sherrit, baba e bir e kanë qëlluar me armë, teksai riu udhëtonte me makinë.
Fatmirësishtm 29-vjeçari nuk u lëndua, teksa nënkomisari u arrestua për kryerjen e veprës penale “Vrasje e mbetur në tentativë” në bashkëpunim dhe “Armëmbajtje pa leje”. Ndërkohë, djali i tij ëhstë shpallur në kërkim.
Njoftimi i AMP-së:
Agjencia e Mbikëqyrjes Policore (Rajoni Durrës-Kavajë) ka arrestuar në flagrancë punonjësin e policisë N/Komisar K. GJ., me detyrë specialist në seksionin e shërbimeve ndaj të tretëve në DVP Durrës, si edhe shpalli në kërkim shtetasin D. GJ., si të dyshuar për kryerjen e veprës penale “Vrasje e mbetur në tentativë” në bashkëpunim dhe “Armëmbajtje pa leje”.
Arrestimi i N/komisar K. GJ. u krye pasi nga tërësia e veprimeve hetimore paraprake ka rezultuar se në bashkëpunim me shtetasin D. GJ., 24 vjeç (djali i tij), më datë 08.02.2024, rreth orës 13:25, në lagjen Nr.2 të qytetit të Kavajës, janë konfliktuar për motive të dobëta dhe kanë qëlluar me armë ndaj automjetit me të cilin udhëtonte shtetasi K. K., 29 vjeç. Nga kjo ngjarje nuk ka patur të lënduar.
Në përfundim të veprimeve hetimore, materialet proceduriale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës.