Kampionati i futbollit në Katar ka kthyer sot në mendje edhe një herë skenat dramatike kur Kristian Eriksen pësoi infarkt në fushën e lojës gjatë Euro 2020. Në ndeshjen mes Al-Rajan dhe Al-Uakrah, futbollisti i kombëtares së Mali, Ousman Kulibali, i cili luan për Al-Uakrah, u rrëzua në mënyrë të papritur në vijën e portës.
Ai u përfshi nga konvulsionet dhe shokët e skuadrës dhe kundërshtarët me shpejtësi kërkuan ndërhyrjen e mjekëve. Këta të fundit, u detyruan që t’i bënin atij masazh kardiak për ta kthyer në jetë pasi nuk kishte puls pas atyre momenteve, ndërsa lojtarët e tjerë përfunduan të dëshpëruar e të përlotur në gjunjë.
Për fat të mirë, zemra e Kulibali rifilloi të punonte dhe ai u transportua në spital, ndërsa të dy skuadrat vendosën që të mos vazhdonin më ndeshjen.
VIDEO => https://twitter.com/Intent_B?ref_src=twsrc%5Etfw%7Ctwcamp%5Etweetembed%7Ctwterm%5E1479902333916135424%7Ctwgr%5E%7Ctwcon%5Es1_&ref_url=https%3A%2F%2Fwww.faxweb.al%2Fvideo-perseritet-tmerri-i-eriksen-shihni-si-lojtarit-i-bie-infarkt-ne-fushe-futbollistet-e-tjere-shperthejne-ne-lot-dhe%2F