Big Brother Vip Albania është një fenomen social që mbërthen fort jo vetëm vëmendjen por edhe debatin publik. Këtë vit synimet janë akoma më të mëdha ndërsa shtëpia është më mbresëlënëse. Prej datës 13 Janar në Top Channel ka nisur edicioni i tretë i “Big Brother VIP 3”. Një reality show, i cili që në natën e parë të spektakli arriti të gozhdonte para ekranit teleshikuesit dhe rezultoi të ishte mjaft i suksesshëm. Dinamikat në shtëpinë e “Big Brother VIP” ndryshojnë në çdo moment.
Dy banorë të rinj tashmë janë bërë pjesë e shtëpisë më të famshme në Shqipëri. Françeska Murati dhe Endrik Cani nga Urban Band janë dy VIP-at që hynë sot në Big Brother. Endriku është një person jo i panjohur për banorët, përkatësisht për Sarën. Ai është ish i dashuri i Sara Gjordenit, por tashmë do të jetë banor. Pas hyrjes në shtëpi takimi mes tyre ishte i ftohtë, teksa shihej qartë mimikat që banorja bëri.
Sara dhe Bardhi prej disa kohësh kanë nisur flirtin e tyre dhe të gjithë e kishin kuptuar që së shpejti ata do të bëheshin çift. Pas shumë përqafimesh dhe përpjekjesh për puthjen e parë, vetëm pak më parë në dhomën e rrëfimit ndodh momenti më i bukur, ku për herë të parë Sara dhe Bardhi japin puthjen e dashurisë.