Nëna e Asqeri Mandrit ka dhënë deklaratën e saj në polici. Burime për mediat bëjnë me dije se ajo ka pranuar se djali i saj ka vendosur kamerat në shtëpi, për të monitoruar bashkëshorten pasi ishte xheloz.
Duke mohuar kategorikisht se 34-vjeçari të ketë ushtruar dhunë ndaj gruas dhe fëmijëve, sipas saj ka qenë bashkëshortja e Mandrit ajo e cila ka planifikuar arrestimin e tij.
Djali ka një vit që është emigrant në Gjermani. U kthye para dy javësh. Nusen nuk e rrahu, por vetëm e shtyu. Ajo ka bërë plan ta fuste në burg. Nusja e tradhtonte”, mësohet të ketë thënë ajo.
Babai i 4 fëmijëve, kishte montuar nga tre kamera në kënde të ndryshme, përfshirë dhe në ambientet jashtë shtëpisë.
Në deklaratën e tij para uniformave blu Mandri është shprehur se monitoronte bashkëshorten se “kështu ma dha truri”. Ndërsa, bashkëshortja e tij ka thënë para hetuesve se pas kthimit nga Gjermania 34-vjeçari kishte shfaqur shenja të theksuara xhelozie dhe se përgjatë gjithë kohës e akuzonte për tradhti.