Fillimi i edicionin të tretë të “Big Brother Vip”, i cili ka thyer çdo rekord shikueshmërie, ka bërë që publiku të ndjekë banorët e shtëpisë më të famshme në Shqipëri deri në orët e para të mëngjesit.
Por sigurisht, ata që po e “vuajnë” më shumë këtë fenomen janë familjarët e banorëve, të cilët përpiqen t’i shohin ata 24/24 dhe një ndër personazhet që po rri pa gjumë deri në orët e para të mëngjesit është Donlad Veshaj.
Përmes një postimi të bërë në profilin e tij të Instagramit, Donaldi ka treguar se nuk po fle mjaftueshëm gjumë pasi i është dashur të ndjekë Romeon, vëllain e tij binjak, deri në orët e para të mëngjesit dhe më pas i duhet të zgjohet heret për të shkuar në punë.
Ai madje ka shprehur “shqetësimin” se Big-u i ka hapur punë dhe nuk e di se sa kohë mund ta shtyjë të qëndruarit pa gjumë.
“Edhe sot, si edhe shumicën e ditëve të tjera unë jam pa gjumë sepse deri në orët e para të mëngjesit kam parë Big-un, kur fjeti Romeo në 4:30, atëherë kam fjetur edhe unë. Dhe kështu, kjo është jeta ime, më duhet të zgjohem heret në mëngjes. Ky Big-u na ka hapur punë, se di dhe sa mund të shty kështu”, dëgjohet të thotë Donaldi në një video të postuar në Instastory.
Kujtojmë që Romeo ka qenë një ndër banorët e parë që i është bashkuar shtëpisë së “Big Brother Vip 3”, i cili sigurisht ka krijuar menjëherë një pëlqyeshmëri të madhe tek publiku.