Pas ndërhyrjes së policisë, janë publikuar edhe pamje nga brenda selisë së PD ku ndodhen mbështetësit e Lulzim Bashës dhe deputetët që janë në mbështetje të kryetarit të PD-së. Në videon shihen qartë disa persona të cilët kanë vështirësi në frymëmarrje për shkak të gazit lotsjellës.
Policia tashëm është futur në katin e parë të selisë së PD-së, për të shmangur dhunën në protestën e thirrur nga Sali Berisha, ndërsa është shoqëruar një person. Ndërkohë një grua, e pranishme në protestë është marrë nga ambulanca pasi është ndjerë keq.
Ata e hodhën gazin për të larguar protestuesit por po e vuajnë edhe vetë pasi një sasi e madhe gazi ka hyrë në ambientet ku po qëndronin.