Gazetari Sokol Bregu theksoi se psikologu dhe psikiatri janë të nevojshëm për Policinë e Shtetit, duke theksuar se “uniformat blu” janë kontakti i drejtpërdrejtë i qytetarit me shtetit.
Lidhur me Ervis Martinajn, Bregu tha se nuk beson që kjo histori të dalë ndonjëherë në dritë.
Të dy duhen, psikologu dhe psikiatri, në operacione ku ka dëmtime të të arrestuarave dhe shkëmbime me armë zjarri. Edhe organizata e Policisë me 12 mijë anëtarë, edhe ata kanë kaluar probleme, Covidi, përmbytjet, tërmeti. Ata duan një shërbim më shumë se të tjerët, sepse ata janë përfaqësuesit e shtetit në rrugë, dhe me ta ke një kontakt të drejtpërdrejtë. Atë që ti krijon me shtetin ti e krijon në bazë të një perceptimi që ke në kontaktin e parë sidomos me Policinë e Shtetit. Psikiatri hyn në një formë tjetër. Kur ti ke pasur një problem. Vlerëson sipas një rekomandimi të drejtuesit të asaj njësie ku militon një polic i caktuar. Kur vëren veprime të parregullta i kërkon psikiatrit ta vlerësojë veprimin e tij. Psikiatri të jep ditë pushimi, nuk mund të largohesh nga organizata dhe të hidhesh në rrugë. Ka rregullatorë në këtë punë. Ne s’e kemi si shoqëri idenë e kësaj.
Foli ministri edhe dje për këtë temë. Opinioni ka një dëshirë të madhe për të ditur mbi fatin Ervis Martinajt, ndonëse s’është ky thelbi i rendit publik. Ajo është kthyer në një histori që ka mister. Ndryshe nga deklaratat që janë bërë më parë për këtë çështje, ministri u përgjigj shumë ftohtë dhe me një informacion të pakët. Në dijeninë time janë bërë disa kontrolle për vendndodhjen e një trupi. Unë mendoj që koha do ta largojë dhe s’ka për të dalë ndonjëherë në dritë, do jetë shumë e vështirë të dalë në dritë historia e Ervis Martinajt”.
I ndalur te zbardhja e krimeve të vjetra në Lezhë e Mirditë dhe deklaratat e Ballës, Bregu thotë:
Lezha ka dy historitë e gjakmarrjes më të rënda në Shqipëri, një e cila ndodhet në Mirditë dhe numri vazhdon e rritet, dhe një në Lezhë që daton nga vitet 90’. Në Lezhë është historia Nikulaj me Lestakaj. Rasti i Mirditës, është një përplasje e fortë, e cila ka prodhuar shumë viktima, shumë ngjarje kriminale, që s’është frenuar asnjëherë, sepse s’është gjetur asnjë herë autori. Kastriot Reçi, një nga viktimat është vrasja më perfektë, dhe autori s’u gjet kurrë. Është një qitje më e largëta, që ka prodhuar një viktimë në Shqipëri, me snajper”.
Duke folur mbi kriminalitetin në qytetin bregdetar të Durrësit, Bregu thotë:
Krimi në Durrës ka një specifikë, sepse ata sot janë të forcuar. Sot pjesa më e madhe e organizatave kriminale në Durrës nuk kryejnë aktivitete vet, secili ka ushtarët dhe anëtarët e tyre. Ka një mënyrë, kjo është të arrestosh sa më shumë anëtarë për t’i bërë të penduar. Në momentin që kapet një anëtar i tyre, sado më i thjeshti, nëse ti e lë vetëm pa avokat dhe mbrojtje, ai fillon dhe rrëfehet ndaj prokurorëve. Mos harrojmë që Porti i Durrësit është ‘nyja gordiane’ e trafikut të drogës dhe trafikut të çdo gjëje. Kudo ku ka port ka kriminalitet të madh”.
Bregu tha se është e vështirë të ndalohen rrjeteve sociale për moshat nën 16 vjeç.