Trajneri gjerman, Jurgen Klopp ka vendosur të largohet nga Liverpool në fund të këtij sezonit 2023/24.
Lajmin e ka bërë të ditur vetë trajneri gjerman përmes një interviste për faqen e klubit “The Reds”.
“Unë mendoj se është një tronditje për shumë njerëz në këtë moment, kur e dëgjojnë për herë të parë.
Më pëlqen gjthçka rreth këtij klubi, më pëlqen gjithçka në këtë qytet të bukur, më pëlqen gjithçka te tifozët, e dua ekipin, e dua stafin. Por unë e kam marrë këtë vendim dhe mendoj se është i duhuri.
Pas këtyre viteve që kaluam bashkë, pas suskesit që patëm bashkë, unë jam rritur me ju. Dashuria u rrit për ju”, këto ishin fjalët e Klopp në faqen zyrtare të klubit
Kujtojmë që Jurgen Klopp është në garë për titullin e Premier League këtë sezon dhe sigurisht që ëndërron ta mbyllë aventurën te skuadra “The Reds” me trofe.
Trajneri gjerman, i solli titullin Liverpoolit pas shumë viteve vuajtjesh dhe gjithashtu fitoi titullin e UEFA Champions League në vitin 2018/19.