Ditën e nesërme, 8 janar, Sali Berisha ka paralajmërua protestë kombëtare për të nxjerrë Lulzim Bashën nga selia. Nga ana tjetër, Basha ka blinduar selinë e PD dhe nuk lejon asnjë nga mbështetësit e Berishës të futen në seli.
Bëhet me dije se Lulzim Basha ditën e nesërme do jetë brenda godinës dhe do mbledhë forumet drejtuese e grupin parlamentar. Në orën 12:00 Berisha ka deklaruar se së bashku me anëtarët e Komisionit të Rithemelimit dhe mbështetësit e tij do jenë në oborrin e godinës për të hyrë brenda.
Për ditën e nesërme janë marrë dhe masa nga policia. Bëhet me dije se policia ka hartuar planin e masave, një pjesë e të cilave po vihen në zbatim që ditën e sotme. Janë 1000 efektivë policie që do të angazhohen përreth gjithë zonës së PD deri te kryeministria.
Disa rrugë do të bllokohen, por nuk dihet ende se cilat rrugë. Policia do të jetë në gatishmëri dhe në rast incidentesh do të ketë shtim të forcave policore.