Ish-kryeministri Sali Berisha shprehet i bindur se do të arrijë që ditën e nesërme të largojë nga selia blu Lulzim Bashën.
Berisha tha se protesta do të jetë paqësore dhe se “askush nuk do ta qëllojë me mjete luftarake”.
I pyetur nga gazetarët gjatë prononcimit para selisë së PD, se si do ta nxjerrë Bashën nga godina, Berisha tha duke qeshur: “Me pekule”.
“Protesta nis nesër në orën 12:00 realizon qëllimet, dhe siç e kam theksuar dhe e theksoj, ky revolucion paqësor nuk ndalet. Paqësore me protesta paqësore, nuk do ta gjuajë kush me mjete luftarake.
Midis nesh nuk ka dhe nuk mund të ketë kurrë njerëz të armatosur. Me pekule do ta nxjerrim”, u shpreh Berisha.