Kërcënimi i një gare të re të armëve bërthamore, lufta në Ukrainë dhe shqetësimet për ndryshimet klimatike ishin të gjithë faktorë, për afrimin e Ditës së Kijametit.
Ora caktohet çdo vit nga Buletini i Shkencëtarëve Atomik.
Që nga viti 2007, anëtarët kanë konsideruar ndikimin e rreziqeve të reja të krijuara nga njeriu, si inteligjenca artificiale dhe ndryshimet klimatike, si dhe kërcënimin më të madh, luftën bërthamore.4
Në njoftimin e tij të vitit 2024 të martën, Buletini tha se Kina, Rusia dhe SHBA-ja po shpenzonin shuma të mëdha parash për të zgjeruar ose modernizuar arsenalin e tyre bërthamor, gjë që shton rrezikun gjithmonë të pranishëm të luftës bërthamore përmes gabimit ose llogaritjes së gabuar.
Lufta në Ukrainë ka krijuar gjithashtu një rrezik gjithnjë të pranishëm të përshkallëzimit bërthamor, sipas Buletinit të Shkencëtarëve Atomik.
Gjithashtu u përmend një mungesë veprimi për ndryshimin e klimës dhe rreziqet që lidhen me “keqpërdorimin” e teknologjive biologjike në zhvillim dhe mjeteve të Inteligjencës Artificiale (AI).
Ora e Kijametit u krijua në vitin 1947 nga J Robert Oppenheimer dhe shkencëtarë të tjerë amerikanë që kishin zhvilluar bombën atomike.
Ata kishin parë efektet e saj shkatërruese dy vjet më parë, në fund të Luftës së Dytë Botërore, në qytetet japoneze të Hiroshima dhe Nagasaki. Ata donin të paralajmëronin publikun dhe të bënin presion mbi liderët botërorë për t’u siguruar që armët bërthamore të mos përdoren më kurrë.
Akrepat e orës kanë lëvizur 25 herë. Në vitin 1947, akrepat qëndronin shtatë minuta para mesnatës. Në fund të Luftës së Ftohtë, në vitin 1991, ato kishin rënë në 17 minuta para mesnatës.
Presidentja e Buletinit Rachel Bronson tha për BBC-në se “çdo vend i madh, përfshirë Britaninë e Madhe, po investon në arsenalin e tyre bërthamor sikur armët bërthamore të mund të përdoren për një kohë shumë të gjatë. Kjo është një kohë shumë e rrezikshme… udhëheqësit nuk po veprojnë me përgjegjësi.”
Pavel Podvig, një ekspert rus i armëve bërthamore, i cili ka qenë i përfshirë në vendosjen e Orës së Kijametit për shumë vite, thotë se u trondit kur presidenti Putin vuri në gatishmëri forcat bërthamore të Rusisë pas pushtimit të Ukrainës.
Bota reagoi me tmerr ndaj kërcënimit të liderit rus por duket se ai kishte bërë një llogaritje të qëllimshme.