Një aksident i rëndë është regjistruar mbrëmjen e sotme në Lushnjë, ku një automjet ka rënë në kanal.
Ngjarja ka ndodhur në fshatin Zhym, ku makina ka dalë nga rruga dhe ka përfunduar në kanalin anësor. Raportohet se shoferi i makinës, Elnis Allkanjari ka mbetur i plagosur dhe ndodhet ende brenda mjetit, teksa ende nuk dihet se sa persona kanë qenë në makinë.
Policia dhe zjarrfikësja ka mbërritur në vendin e ngjarjes, teksa po punohet për nxjerrjen e tij nga mjeti.