Akuzat mes dyshes Bardhi dhe Basha duket se nuk kanë të ndaluar pas tensioneve të krijuara ditën e sotme në Komisionin e Mediave.
Teksa Basha i quajti burrecë të cilët shantazhonin gra, Bardhi e ka konsideruar të paburrë.
Duket se dyshja në vend që tëe diskutonin për aksionin opozitar dhe të vijonin së bashku ‘luftën’ e tyre, akuzojnë njëri- tjetrin për burrëri.
REAGIMI I GAZMENT BARDHIT:
Absolutisht i keqardhur nga debati me kolegë të opozitës! Por, është fakt i njohur që opozita është në një betejë kundër mazhorancës në Kuvend, dhe çdo opozitar duhet të jetë krah nesh në këtë betejë, dhe jo përballë njëlloj si Edi Rama. Tentativa për të provokuar me “normalitet të rremë” i kolegëve të opozitës, nuk mund të jetë kurrë strategjia e një opozitari. Ajo është vetëm strategjia e një të paburri, që vetë rri në shtëpi e kujdeset të shtojë katet në Kulla, ndërkohë që keqpërdor për fasadë të pazareve në kurriz të demokratëve, ndershmërinë e disa zonjave deputete, që vazhdojnë të besojnë gënjeshtrat e tij!