Burime për gazetaren e Top Channel, Anila Hoxha thanë se prokurorët e posaçëm sot nuk do të dorëzojnë asnjë vendim në Gjykatën e Posaçme për ish-kryeministrin Sali Berisha.
Ata kërkojnë kohë për shqyrtimin e çështjes dhe marrjen e një vendimi që ende nuk është zyrtar, nëse do të ketë kërkesë “arrest në burg” apo “arrest në shtëpi”.
“Burime të sigurta thonë se prokurorët nuk do të dorëzojnë asnjë vendim, pasi u duhen më shumë orë kohë. Ata vijojnë të jenë në zyrën e tyre, nëse do të kërkojnë arrest me burg apo arrest shtëpiak“, tha Hoxha.
Kuvendi i Shqipërisë miratoi ditën e sotme me 75 vota pro heqjen e mandatit të deputetit Sali Berisha, duke i hapur kështu rrugë kërkesës së SPAK për arrestimin e tij. Nga ana tjetër, kujtojmë se dje Gjykata Kushtetuese rrëzoi kërkesën e 30 deputetëve të opozitës për të cilësuar antikushtetuese masat ndaj Berishës/ Top Channel