Në orët e para të mëngjesit të sotëm, një 42-vjeçar ka denoncuar se në zonën e “Don Boskos” drejt makinës së tij është qëlluar me armë zjarri.
Është fjala për Rudolf Zefin, i cili në denoncimin e bërë në polici, ai është shprehur se drejt makinës së tij është qëlluar me armë nga një person i paidentifikuar, i cili ishte në këmbë.
Po ashtu Zefi ka deklaruar se në makinë ishte vetëm. Ndërkohë policia ka sekuestruar kamerat e sigurisë, me qellim për të zbardhur ngjarjen dhe për të identifikuar autorin.
Gjitashtu bëhet e ditur se në vendin e ngjarjes është vendosur perimetri i sigurisë.
Tiranë/Informacion paraprak
Më datë 14.12.2023, është paraqitur në Komisariatin e Policisë Nr. 3, shtetasi R. Z., 42 vjeç, i cili ka kallëzuar se në rrugën “Don Bosko”, rreth orës 06:45, një shtetas ende i paidentifikuar ka qëlluar me armë zjarri në drejtim të automjetit që drejtonte. Nga të shtënat me armë zjarri nuk ka persona të dëmtuar.
Grupi hetimor po punon për sqarimin e rrethanave të ngjarjes, identifikimin dhe kapjen e autorit.