Gjykata kishte caktuar për 2 të arrestuarit masën e sigurisë “arrest me burg” për akuzën e kultivimit të bimëve narkotike
Dy persona të shpallur në kërkim për kultivimin e 250 bimëve narkotike në fshatin Seltë të njësisë administrative Zavalinë, janë arrestuar nga policia.
Në pranga kanë rënë Artur Malja, 36 vjeç, banues në Krujë dhe Flavio Dervishi, 23 vjeç, banues në Tiranë. Gjykata kishte caktuar për 2 të arrestuarit masën e sigurisë “arrest me burg” për akuzën e kultivimit të bimëve narkotike.
Gjithashtu, për këto raste, në kuadër të dy fazave më herët janë vënë në pranga 2 inspektorë pyjesh dhe kryetari i fshatit, për shpërdorim detyre, si edhe 2 shtetas të tjerë, për kultivimin e bimëve narkotike.
Njoftimi i policisë:
Në zbatim të masave të përcaktuara në planin operacional “Sundimi i ligjit”, specialistët për Hetimin e Krimeve të Komisariatit të Policisë Elbasan ndaluan A. M., 36 vjeç, banues në Krujë dhe F. D., 23 vjeç, banues në Tiranë.
Pas hetimeve, Gjykata e Elbasanit bazuar në provat e siguruara nga hetimi ka caktuar masën e sigurisë “Arrest në burg”, për veprën penale “Kultivimi i bimëve narkotike”.
Në territorin e fshatit Seltë, njësia administrative Zavalinë, në kuadër të operacionit policor të koduar “Krasta”, përgjatë dy fazave të tij, zhvilluar në muajin qershor, u gjetën në pronë publike rreth 250 bimë narkotike kanabis, në kultivimin e të cilave dyshohet se janë bashkëpunëtorë dy të arrestuarit,
Gjithashtu në kuadër të dy fazave janë vënë në pranga dy inspektorë pyjesh dhe kryetari i fshatit, për shpërdorim detyre, si edhe 2 persona të tjerë për kultivimin e bimëve narkotike.