Kryeministri Edi Rama ditën e sotme në Fushë-Krujë ka dorëzuar çelësat e shtëpive të reja tek banorët të prekur nga 26 nëntori i vitit 2019.
Edhe ditën e sotme nuk kanë munguar ironia për situatën e krijuar brenda PD. Teksa ka bërë “batutën me bravat” Rama tha se kreu i PD në një fshat afër Surrelit ka marrë katër shtëpi, por tani sipas tij është në hall pasi ka katër brava për të ruajtur.
Edi Rama: Sot këto familje kanë një bazë të re të jetës. Ne nuk i kemi ndarë njerëzit majtas e djathtas. Demokrati atje në Surrel mori 4 shtëpi nga ai rindërtim, ishin 4 kurorë, ai e pranon dhe është në hall tani se ka 4 brava për të ruajtur.
Kryeministri theksoi edhe një herë se shtëpitë janë ndarë me shorte publike dhe jo në “bazë të lekut apo mikut”.
Edi Rama: Shtëpitë janë ndarë me short. Mund t’i linim të gjithë demokratët në kat të parë se nuk e dinim këtë hallin e tyre, por vështirë edhe aty se të futen nga dritaret. Ne kemi mësuar shumë nga ky program dhe do të mbyllim të gjitha plagët e tërmetit. Do të angazhohemi në një program strehimi për çiftet e reja dhe për shumë familje që të rritim cilësinë e jetës së tyre, në pamundësi për ti blerë. U uroj me zemër që ta gëzoni shtëpinë e re.