Kryeministri Edi Rama ka komentuar ditën e sotme akuzat se është duke mbajtur Bashën në krye të opozitës.
Ai është shprehur se nuk ka asnjë lidhje me këtë ngjarje dhe se Basha dhe Berisha janë dy njerëz me një hall shumë të madh teksa kërtkojnë që hallin e tyre ta bajën pjesë të partisë dhe Shqipërisë.
“Jemi në një kohë kur sipas meje kur dita prodhon më shumë gënjeshtra se sa të vërteta.
Populli nuk e ka thënë kot, kur gënjeshtra ka bërë xhiron e botës e vërteta akoma s’ka vershur pantallonat.
Për tu kthyer tek Basha. Basha është një nga dy anët e një marrëzie që po e con PD drejtë një fundi të merituar se është një fund i përgatitur me vite. Jo nga unë as nga ne dhe as nga ata shqiptarë që e mbështesin PD dhe skanë fituar asgjë fare.
Por pikërisht nga këto dy figura që janë shëmbëlltyra e të gjithë asaj që është përgatitur me këmbnguljen e verbër në përsëritje të së njëtës gjë në kërkim të rezultateve të tjera.
Një parti që nuk ka krijuar asgjë tjetër vec mite fitoreje dhe të vjedhura, rrëmuja dhe sherre me një përpjekje për tu rikthyer në pushtet dhe faktikisht pa patuar asnjë kapacitet real për të qeverisur.
Unë skam asnjë punë as me njërin as me tjetrin. Janë dy burra në një hall të madh që hallin e tyre e kanë kthyer në hallin e partisë së tyre dhe duan ta kthejnë dhe në hallin e Shqipërisë.
Nuk mund të bëj parashikime por sic janë gjërat s’kam asnjë aryse për tu marr as me njërin as me tjetrin. Madje dhe kohën që ma kanë marrë nuk do të ma marrin më.”- tha Edi Rama.