Policia greke ka bërë publik identitetit dhe foton e një 25-vjeçari shqiptar të arrestuar si autori i disa vjedhjeve në Greqi.
Sipas policisë greke, shqiptari i identifkuar si Alban Tushe me origjinë nga Lushnja, është arrestuar më 3 tetor, ndërsa akuzohet për 20 vjedhje të kryera në zonën e Pikermiou dhe lagjet fqinje, në Athinë.
Tushe akuzohet se bashkë me persona të tjerë kanë vepruar prej majit deri në gusht 2023 duke vjedhur banesa kryesisht në orët e pasdites kur mungonin banorët. Sipas policisë, ata dëmtonin edhe linjat telefonike për të shmangur rënien e alarmit gjatë vjedhjeve. Veç 20 vjedhjeve në banesa, grupit i është vërtetuar edhe vjedhja e targave të një automjeti.
Gjatë kontrollit personal dhe të banesës, Klement Tushes i janë gjetur dhe sekuestruar një sasi floriri dhe 19 ora dore, 7 celularë, 9 karta SIM, 2 thika, 1 Lap top, shkop, 0.66 gram “cannabis sativa”, 200 euro, 1 automjet, 1 elektrik dhe 1 kapele. /Gazeta Shqip