Egjendur në mes të një zhurme të madhe mediatike, Arbenita Ismajli nuk e ka aspak problem të zbulojë hapur mesazhet private, veçanërisht kur bëhet fjalë për personazhe të njohur publik.
Përmes një postimi të bërë në profilin e saj të Instagramit, modelja e njohur ka zbuluar mesazhin që ka marrë nga reperi i njohur Unikkatil, i cili mesa duket i ofron Arbenitës ndihmën se si mund ta largojë nga të gjithë problemet që ajo gjendet momentalisht dhe madje ai i ka premtuar se çdo gjë do të mbetet sekret.
Përgjigja e Arbenitës ka qënë epike, duke e vënë në lojë reperin, i cili për hir të së vërtetës gëzon një respekt të madh në tregun muzikor shqiptar.
“Hej. Kam një ide që mund të të ndihmojë se si mund të shpëtosh nga kjo situatë. Dhe me gjithë respektin për privatësinë tënde. Të premtoj”, shkruan reperi në mesazhin privat të nisur në Instagramin e Arbenitës.
“Po sigurisht”, i përgjigjet Arbenita. “Por para se ta realizojmë, a mund të porosis një pica me kërpudha të lutem? Eshtë e preferuara ime”, përfundon mesazhin ish-partnerja e Feros.
Pas dërgimit të këtij mesazhi, Arbenita ka vendosur që ta bllokojë reperin e njohur, Unikkatil.
Vetëm ditë më parë, Arbenita zbuloi përmes disa postimeve në rrjetet sociale se Fero vazhdon ta abuzoje mendërisht. Ajo shtoi gjithashtu se Fero nuk firmos letrat e divorcit dhe se dëshiron një lidhje me zor. Ajo madje tha publikisht se nëse Fero do vazhdonte të shkruante për të, ajo do e denonconte për dëmtim imazhi.
Nga ana tjetër, Fero ka zbuluar për ndjekësit e tij se sipas vendimit të gjykatës, atij i lejohet që ta shohë vajzën vetëm tre orë në ditë, gjë që nuk është aspak e drejtë. Ai gjithashtu ka shprehur publikisht se nëse Arbenita e merr vajzën dhe udhëton jashtë pa lejën e tij, ai do e denoncojë për rrëmbim.