i riu shqiptar, Aurel Kurti, i cili u arrestua pasi dhunoi bashkëshorten e tij 22-vjeçare Dafina, në banesën e tyre në Greqi ka treguar versionin e tij lidhur me ngjarjen.
Ai ka mohuar së fundmi që e ka mbajtur bashkëshorten e tij të burgosur, duke thënë se ai ishte acaruar për faktin se 22-vjeçarja i kishte kërkuar të transferoheshin në Angli.
Theksojmë se Aurel Kurti është nxjerrë sot para Gjykatës Penale të Larisës dhe është vendosur që të mbahet përkohësisht deri në gjykimin e çështjes, pas rreth dy muajsh.
“Është gënjeshtër që e kam burgosur. Ditët e fundit më acaroi… disi sepse donte që ne të largoheshim dhe të shkonim në Angli, ku ishin kushërinjtë e saj. Nëse do të donte të divorcohej, mund të më thoshte. Erdha në Greqi sepse doja një jetë tjetër. I kisha thënë shumë herë të dilte dhe ajo nuk donte sepse thoshte nuk mundemi. Punoja nga mëngjesi në mbrëmje dhe shtëpia ime ishte gjithmonë plot për të dhe fëmijën. U grindëm se më kishte marrë mendtë duke më thënë të largoheshim”, tha 28-vjeçari.
Aurel Kurti e dhunonte dhe mbante mbyllur Dafinën, bashkkëshorten e tij pasi e akuzonte atë si fajtore për gjininë e fëmijës së tyre. Cifti ishin prindër të një vajze.