Është identifikuar autori i dyshuar i vrasjes së 33-vjeçarit Valter Fjerza mbrëmjen e së enjtes (21 shtator) në fshatin Hot i Ri në Shkodër. Bëhet me dije nga burimet për mediat se ai është Klodian Mhilli.
Në kërkim është shpallur edhe vëllai i autorit të dyshuar, i cili dyshohet se e ka ndihmuar të largohet nga vendngjarja.
“Mollë sherri” mes komshinjve mësohet se është bërë parkimi i makinës në rrugicën ku ata jetonin.
“Më bllokove rrugën, s’kam ku kaloj unë”, ishin debatet që kishin me njëri-tjetrin.
Raportohet se vëllai i viktimës, Kolë Fjerza dhe Klodian Mihlli kanë debatuar në një lokal në lagje që shërbente edhe si bilardo rreth një orë para krimit.
Më pas autori ka marrë kallshnikovin dhe ka qëlluar për vdekje Klodian Fjerzën, pranë makinës së vëllait, në rrugicën e lagjes.
Plumbat e marrë kanë qenë fatalë për të riun i cili ka humbur jetën në vendngjarje.
Familjarët e tij dhe banorë të zonës kanë dëgjuar të shtënat e kallshnikovit dhe kanë dalë jashtë, duke gjetur 33-vjeçarin në tokë të pajetë.
Policia ka rrethuar zonën ku ndodhi vrasja për të bërë të mundur kapjen e autorit të dyshuar, si edhe ka ngritur pika kontrolli për të mos lejuar që ai të largohet.
Viktima Valter Fjerza raportohet se nuk njihej si person problematik në lagje.