Ish-shefi i Antidrogës, Dritan Zagani, ndërsa ishte I ftuar sot në “Zona Zero”, foli në lidhje me megaoperacionin e realizuar antikanabis nga policia.
Ai foli se kur ishte dhe vetë drejtues në Polici, politika ndërhynte. Ai tregoi se është marrë një urdhër nga ish-ministri që “ta zhduknin”.
Moderatorja: Ju keni pasur eksperienca të tilla ndërsa keni qenë në drejtim të Policisë?
“Personalisht, nuk kam qenë ndonjë drejtues madhor, kam qenë një drejtues i mesëm asgjë më shumë. Mund t’iu them që kur isha në punë, mua më erdh fjala nëpër çipe, se përgjohesha unë, por përgjoheshin dhe përgjuesit. Dhe më është thënë “Urdhëri i ministrit Tahiri është të të zhdukim”.
Gjetën të gjitha format për me më zhduk. E para, ishte të më çonin oficer roje andej nga Dibra. Nuk funksioni, sepse ngrita zërin, u duhesh që të më mbyllej dhe goja, edhe u arrestova. Jo pa asnjëlloj prove, por pa asnjë baze ligjore. Dhe forma se si është bo, unë e kam në kurriz. Unë kam pas shefa të mittë, që thonin “Janë kushërinjtë e ministrit, nuk qasesh dot. Janë shoqëru kushërinjtë e ministrit në drejtori dhe as 5 minuta nuk kanë nejt në oborr. Dhe ato 5 minuta që kanë nejt duke i sha policat, erdhu urdhëri i drejtorit Ervin Hotaj “Përjashta ata, urgjentisht me gjithë makinën”. Unë nuk kam qenë officer policie nga politika, por jam që nga gjeneza”, tha Dritan Zagani.